სტუდენტური აგროპროექტის პრეზენტაცია
15 სექტემბერი 2023
სტუდენტური აგროპროექტის პრეზენტაცია გაიმართა აგრარულ უნივერსიტეტში. აგრონომიის პროგრამის სტუდენტებმა მათ მიერ დამოუკიდებლად მოყვანილი სხვადასხვა ერთწლიანი სასოფლო-სამეურნეო კულტურა წარადგინეს. აგროპროექტის ფარგლებში კახა ბენდუქიძის კამპუსში სადემონსტრაციო ნაკვეთში სტუდნეტებმა მოიყვანეს: კიტრი, პომიდორი, ბადრიჯანი, ტკბილი წიწაკა, სიმინდი, ნესვი, საზამთრო და კარტოფილი.
![Agrofair3](/media/fkjkr2in/agrofair3.jpg)
პრეზენტაციაზე სტუდენტების ათმა გუნდმა ისაუბრა მათ მიერ მოყვანილი პროდუქტის ბიოლოგიურ თავისებურებებზე, შესაბამის ნიადაგურ-კლიმატურ პირობებზე, მოვლა-მოყვანის ტექნოლოგიაზე, რისკ-ფაქტორებზე, მიღებულ შედეგებსა და გამოცდილებაზე.
სტუდენტური აგროპროექტის პრეზენტაციას ესწრებოდნენ სტუდენტები, ლექტორები, აგროსექტორის 40-ზე მეტი კომპანია. აგროპროექტის მხარდაჭერისათვის მადლობის სიგელი გადაეცათ კერძო სექტორის წარმომადგენლებს: აგროსფერო, აგროფორსი, მარნეული აგრო.
![Agrofair2](/media/vrmjzpql/agrofair2.jpg)
აგროპროექტის არის აგრონომიის საბაკალავრო პროგრამის ახალი საგანი, რომლის ფარგლებშიც სტუდენტებს უნივერსიტეტში მიღებული თეორიული და პრაქტიკული ცოდნის საფუძველზე მოჰყავთ სასოფლო-სამეურნეო კულტურები სადემონსტრაციო ნაკვეთში.
![Agrofaro1](/media/1rzlw2sf/agrofaro1.jpg)
საირიგაციო სისტემით აღჭურვილი სადემონსტრაციო ნაკვეთი კახა ბენდუქიძის კამპუსში მოეწყო, რათა სტუდენტებს საშუალება პქონდეთ დააკვირდნენ ერთწლიანი კულტურების სრულ სავეგეტაციო ციკლს. პროექტის ფარგლებში სტუდენტები მოსავალს მოიყვანენ ყველა აგრო-წესების დაცვით, რაც გულისხმობს ნაკვეთის დამუშავებას, რისკების შეფასებას, ბიუჯეტირებას, ნიადაგის ანალიზს, ნაყოფიერების მართვის გეგმის შემუშავებას, თესვას, მავნებლებსა და დაავადებებზე დაკვირვებას და შესაბამისი ბრძოლის ღონისძიებების გატარებას, მოსავლის აღება-დაბინავებას, რაოდენობრივი და ხარისხობრივი მაჩვენებლების განსაზღვრას.
სტუდენტები აგროპროექტის მიმდინარეობის დროს თავად არიან ჩართული, როგორც საველე, ასევე ლაბორატორიულ სამუშაოებში. აგროპროექტის დასაწყისში სტუდენტებმა თავად აირჩიეს სასურველი კულტურები და გადანაწილდნენ სადემონსტრაციო ნაკვეთში.
![Agrofair4](/media/enacptrr/agrofair4.jpg)
მსგავსი სიახლეები
![Wavi Taia](/media/c3zfstz5/wavi-taia.jpg)
17 ივლისი 2024
ვეტერინარიუმს წავი ესტუმრა
![Ნათია Რობაქიძე](/media/55mf2o4f/ნათია-რობაქიძე.jpg)
15 ივლისი 2024
ნათია რობაქიძე გაივლის საერთაშორისო პროგრამას გულის ექოსკოპიაში
![Agruni 8](/media/se2jlcql/agruni-8.jpg)
08 ივლისი 2024
ვეტერინარი ტექნიკოსის პროგრამის კურსდამთავრებულებს სერტიფიკატები გადაეცათ
![Agruni 1](/media/3n4ihjya/agruni-1.jpg)
03 ივლისი 2024
პროფესორი პეტრ ჰოლჟაუზერის საჯარო ლექცია ჩატარდა კამპუსში
![24 06 Agruni](/media/4rhnsgdc/24-06-agruni.jpg)
24 ივნისი 2024