Programs

თავისუფალი მეცნიერებების პროგრამის სტუდენტური გამოფენა

ტრენინგი: ატმისა და გარგარის წარმოება

საჯარო ლექცია: „From Fluorspar to Nobel Prize“

კახა ბენდუქიძის კამპუსის საკონფერენციო დარბაზში (აუდიტორია N200) 14 ივნისს 18:00 საათზე ჩატარდება საჯარო ლექცია თემაზე „From Fluorspar to Nobel Prize“, რომელსაც წაიკითხავს პრაღის ქიმიისა ფა ტექნოლოგიის უნივერსიტეტის ქიმიის სწავლების კათედრის გამგე ასოცირებული პროფესორი პეტრ ჰოლჟაუზერი.

კვანტური წერტილები არის ნანონაწილაკები, რომლებიც ავლენენ უნიკალურ ოპტიკურ და ელექტრონულ თვისებებს მათი მცირე ზომისა და კვანტური მექანიკური ეფექტების გამო. ეს ნახევარგამტარული ნაწილაკები, როგორც წესი, რამდენიმე ნანომეტრის ზომისაა - ადამიანის თმის ზომის დაახლოებით 1/10000. ულტრაიისფერი შუქით განათებისას, კვანტურ წერტილში მყოფი ელექტრონი შეიძლება აღიგზნოს და გადავიდეს უფრო მაღალ ენერგეტიკულ მდგომარეობაში, ხოლო უკან დაბრუნების დროს გამოათავისუფლოს განსხვავებული რაოდენობის ენერგიას სინათლის სახით, რაც იწვევს ფოტოლუმინესცენციას. ამ გამოსხივებული სინათლის ფერი დამოკიდებულია გამტარობის ზოლსა და ვალენტურ ზოლს შორის ენერგიის განსხვავებაზე, რაც კვანტურ წერტილებს გამოსადეგს ხდის სხვადასხვა პრაქტიკული მიზნებისათვის.

კვანტურმა წერტილებმა იპოვეს გამოყენება თანამედროვე კომპიუტერებში, ტელევიზორებში, LED განათებებსა და ბიომედიცინაშიც კი. ამ მიგნებისათვის 2023 წელს ნობელის პრემია ქიმიაში ერთობლივად მიენიჭათ მუნგი ბავენდის, ლუი ბრუსს და ალექსეი ეკიმოვს.

ასევე, ლექვია მოიცავს საინტერესო სადემონსტრაციო ექსპერიმენტების ჩვენებას.

დასწრება თავისუფალია.

ტრენინგი: “ვენახის მავნებლების და დაავადებების ინტეგრირებული მართვა და მწვანე ოპერაციები.”

12 მაისს 11:00 საათზე კახა ბენდუქიძის კამპუსში ჩატარდება ტრენინგი თემაზე: “ვენახის მავნებლების და დაავადებების ინტეგრირებული მართვა და მწვანე ოპერაციები.” ტრენინგი განკუთვნილია საქართველოს აგრარული უნივერსიტეტის მევენახეობა-მეღვინეობისა და აგრონომიის პროგრამების სტუდენტებისათვის.

ტრენინგი მოიცავს როგორც თეორიულ, ისე პრაქტიკულ ნაწილს. ტრენინგით გათვალისწინებული პრაქტიკული მეცადინეობა ჩატარდება საქართველოს აგრარული უნივერსიტეტის სასწავლო მიზნებისათვის გაშენებულ ვენახში.

ტრენინგის ორგანიზატორები და მხარდამჭერები არიან გაეროს სურსათისა და სოფლის მეურნეობის ორგანიზაცია (FAO), ევროკავშირის დაფინანსებული პროექტის, ENPARD IV ის ფარგლებში და საქართველოს აგრარული უნივერსიტეტი.

ტრენინგს ჩაატარებს FAO-ს საერთაშორისო კონსულტანტი მევენახეობის დარგში ხულიო პრიეტო დიასი. ხულიო არის მევენახე ინჟინერი, რომელსაც აქვს ვენახის მართვის მრავალწლიანი გამოცდილება ესპანეთში და მის საზღვრებს გარეთ.